Galaxia de blogs do CEIP Milladoiro de Malpica no que a cabeza visible é o blog da biblioteca escolar. Nel están enlazados os restantes blogs do centro que visibilizan as diferentes novas, propostas, actividades, proxectos e información en xeral, que teñen que ver coa práctica diaria dos ciclos, dos departamentos e do conxuto do centro e da comunidade educativa.

O blog pai, que é o da biblioteca escolar tenta cumplir a misión de visibilización da vida pedagóxica do centro, así como o contacto das familias co día a día da vida escolar do seus fillos e fillas. Por esta razón enlaza directamente outros blogues máis específicos (de ciclos, de Dinamización Linguística, animación á lectura , do Proxecto Interdisciplinar anual así como á propia web oficial do colexio) Por isto é a autentica galaxia que condensa actividaes, proxectos e propostas.

Ofrecemos tamén enlaces que axudan á educación das familias e as súas aportacións no traballo conxunto que debe levar adiante esta Comunidade Escolar na procura do fin último: compartir obxectivos na educación de nenos e nenas.

Tamén nos serve como espazo de comunicación con otros centros fisicamente alonxados pero próximos en obxectivos e intereses.